Los Delinqüentes izango dira EN VIVO 2027ko lehen aurrerapenaren izen nagusia

EN VIVO jaialdiak hirugarren edizioa ospatuko du 2027ko ekainaren 4an eta 5ean, Pamplona-Iruñeko Ziudadelan, eta bere kartelaren lehen izenak aurkeztu ditu. Los Delinqüentes, CERVATANA eta Tremenda Jauría izango dira programazioa irekiko duten lehen baieztapenak, eta ekainaren 5ean, larunbatean, ariko dira Pamplona-Iruñeko Ziudadelan. Iaz udan Ziudadelan abiatutako etapa berria sendotu ondoren, EN VIVO zuzeneko musikaz betetako bi jardunaldirekin itzuliko da, estatuko eszenako artista ezagunak, proposamen berriak eta lurraldearekin lotutako talentua uztartuz.

Los Delinqüentes Pamplona-Iruñera iritsiko dira Nafarroako Foru Erkidegoko data bakarrean, Estatuko hiri nagusiak zeharkatu eta 140.000 lagun baino gehiago bildu dituen biraren ondoren. Oholtzara itzulera garrapatero itxaropentsu honetan, El Canijo de Jerezek eta Diego “Ratón”ek proiektua berriz hartu dute, Migue Benítez oroimenean eta ikuskizunean oso presente dutela, El sentimiento garrapatero que nos traen las flores lanaren 25. urteurrena ospatzeko. Estreinako disko hark lengoaia propioa sortu zuen, flamenkoa, rocka, bluesa, reggaea eta funka nahastuz.

Lehen aurrerapen honetara CERVATANA ere batu da: Derby Motoreta’s Burrito Kachimbako hainbat kideren adiskidetasunetik eta musika-kezkak partekatzetik sortutako proiektua da, berezko nortasunarekin iritsi dena eszenara, atzean musika-esperientzia sendoa duela. Haiekin batera izango da Tremenda Jauría ere, Madrilgo taldea; musika urbanoa, reggaetoia, cumbia eta punka uztartzen ditu letra feminista eta borrokalariekin, eta kontzertu bakoitza ospakizun kolektibo bihurtzen du, dantza eta aldarrikapena eskutik helduta doazen gune batean.

Jaialdiak Pamplona-Iruñeko Udalaren lankidetza eskertzen du, baita Cerveza El Águila eta LABORAL Kutxaren babesa ere; azken horrek, gainera, EN VIVO 2027ko agertokietako bati izena emango dio.

Asteburuko bonuak eta ekainaren 5eko, larunbateko, sarrerak ostiral honetan, urriaren 16an, 11:30ean, jarriko dira salgai envivo-festival.com webgunean. Lehen 500 bonuek 68 € + kudeaketa-gastuak izango dituzte sustapen-prezio gisa, eta larunbateko sarrerek 48 € + kudeaketa-gastuak balioko dute. Gainera, LABORAL Kutxak 10 €-ko deskontu esklusiboa eskainiko du bonuetan eta eguneko sarreretan, bere bezeroek egindako lehen 500 erosketetarako.